Նախագահի պաշտոնում ՀՀԿ-ն կներկայացնի լուրջ կենսագրություն ու հեղինակություն ունեցող թեկնածուի. Շարմազանով

Այսօր տեղի է ունեցել ՀՀԿ ԳՄ հերթական նիստը, որը վարել է ՀՀԿ նախագահ Սերժ Սարգսյանը: Նիստից հետո ՀՀԿ խոսնակ Էդուարդ Շարմազանովը պատասխանել է լրագրողների հարցերին: Անդրադառնալով վարչապետի թեկնածության առաջադրման և նախագահի ընտրության վերաբերյալ հարցին, Շարմազանովը նշեց, որ այդ քննարկումները ՀՀԿ-ում սկսվելու են հաջորդ շաբաթվանից:

«Գիտեք, որ հանրապետության նախագահը պետք է լինի անկուսակցական:Կարծում եմ հանրապետության նախագահի պաշտոնում ՀՀԿ-ն կներկայացնի մի թեկնածուի, ով կունենա շատ լուրջ կենսագրություն, լուրջ հեղինակություն և անելիք»,- ասաց Շարմազանովը:

Ինչ վերաբերում է հարցին, արդյո՞ք ՍԴ նախագահ Գագիկ Հարությունյանը կդառնա նախագահ, Շարմազանովը նշեց, որ Գագիկ Հարությունյանը նշել է, որ նախագահ դառնալու ցանկություն չունի: