Պուտինը և Էրդողանը քննարկել են Թրամփի` Երուսաղեմի հարցով որոշումը

Երեկ Անկարայում կայացել է ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը: РИА Новости-ն հայտնում է, որ նախագահները քննարկել են ԱՄՆ նախագահ Դոնալդ Թրամփի` Երուսաղեմի  վերաբերյալ որոշումը:

«Մենք քննարկել ենք տարածաշրջանում առկա կարևոր խնդիրները: Կարևորներից մեկն է Երուսաղեմում տիրող իրավիճակը: ԱՄՆ-ը որոշում է կայացրել, որը հիասթափեցրել է մուսուլմաններին, քրիստոնյաներին և անգամ` հրեաներին»,- ասել է Էրդողանը:

Նրա խոսքով` վերջին օրերին բախումների հետևանքով 4 պաղեստինցի է զոհվել, 2 հազար մարդ տուժել է:

Վլադիմիր Պուտինն, իր հերթին, հայտարարել է, որ Երուսաղեմի կարգավիճակի մասին համաձայնագիրը պետք է լինի Պաղեստինի և Իսրայելի ուղիղ բանակցությունների առարկան: