Մանկապարտեզի ներսում միայն դանակով զինված տղամարդն է և 3-ամյա մի երեխա

Արդեն հայտնել ենք, որ այսօր Արմավիրի Բաղրամյան փողոցում գտնվող «Մանուշակ» մանկապարտեղ ներխուժել է դանակով զինված տղամարդ, ով պատանդներ է վերցրել: Լրագրողների հետ զրույցում ոստիկանության աշխատակից Մարտուն Սիմոնյանը մանրամասներ է ներկայացրել: Նրա խոսքով` ոստիկանության Արմավիրի մարզային վարչություն  ահազանգել են մանկապարտեզից , հայտնելով որ դանակով զինված մարդ է մտել մանկապարտեզ: Ոստիկանությունը անմիջապես մեկնել է դեպքի վայր, որտեղ  պարզվել է, որ դանակով զինված տղամարդը 3 տարեկան երեխայի հետ առանձնացել է մի սենյակում` ներկայացնելով անձական բնույթի պահանջներ:

Այս պահի դրությամբ դեպքի վայրում աշխատում են իրավապահները:

«Մանկապարտեզի ներսում միայն դանակով զինված տղամարդն է և 3-ամյա մի երեխա: Նա պատանդ է վերցրել այդ երեխային: Իրավապահները բանակցություններ են վարում նրան վնասազերծելու ուղղությամբ: Ոստիկանությունում որևէ հիվանդանոցից  տեղեկություններ չկան այս մանկապարտեզից տեղափոխված վիրավորների մասին»,- ասաց Մարտուն Սիմոնյանը: