Պուչդեմոնը կոչ է արել ժողովրդավարական պայքար մղել

Իշխանությունից հեռացված կատալոնական լիդեր Կարլես Պուչդեմոնը իր կողմնակիցներին կոչ է արել ժողովրդավարական պայքար մղել Մադրիդի դեմ: Նրա խոսքով` պետք է պահպանել այն, ինչին արդեն հասել են, և պետք է շարունակել կառուցել ազատ երկիր:

Իսպանիայի Սահմանադրության 155-րդ հոդվածը թույլ է տալիս ազգային կառավարություններին ուղիղ կառավարում իրականացնել Իսպանիայի ինքնավար շրջաններում` ճգնաժամի դեպքում:

Իսպանիայի Սենատը ուղիղ կառավարում է մտցրել ուրբաթ օրը, անմիջապես այն բանից հետո, երբ կատալոնական խորհրդարանը հաստատեց անկախության մասին բանաձևը:

Երկրի վարչապետ Մարիանո Ռախոյը հայտարարեց Պուչդեմոնին պաշտոնանկ անելու որոշման մասին, խոստանալով` անվավեր ճանաչել կատալոնական խորհրարանի որոշումը: