Վարորդական վկայականների տրամադրման հարցում կլինեն արմատական փոփոխություններ. Տիգրան Սարգսյան

Այսօր Երևանում տեղի ունեցավ Եվրասիական միջկառավարական խորհրդի նիստը, որի ավարտից հետո հայտրարարությամբ հանդես եկավ Եվրասիական տնտեսական հանձնաժողովի կոլեգիայի նախագահ Տիգրան Սարգսյանը` մափոփելով նիստի արդյունքները: Օրակարգի հարցերից էին թվային տնտեսության անցումը` չորս ուղղություններով: ԵԱՏՄ անդամ երկրները համաձայնեցված գործողություններով պետք է անցում կատարեն թվային օրակարգին` կազմելով աշխատանքային և փորձագիտական  խմբեր:

Ենթադրվում է որ թվային օրակարգն իրականացնելու համար կստեղծվի մեկ միասնական ռեեստր, որտեղ կմշակվեն ԵԱՏՄ անդամ երկրների նախաձեռնությունները և ծրագրերը: Օրակարգի հաջորդ հարցը առևտրի իրականացման հարցում խոչընդոտների վերացման ճանապարհային քարտեզի հաստատումն էր:

Հատկապես ուշադության են արժանացել վարորդական վկայականների հետ կապված խնդիրները: Որոշում է կայացվել մշակել միասնական կանոններ:

 «Վարորդական վկայականների տրամադրման հարցում կլինեն արմատական փոփոխություններ: Տրանսպորտի ոլորտը թվայնացվում է, առաջ են գալիս նոր մեքենաներ, որոնց վարորդները պետք է տիրապետեն նոր ունակությունների, նոր գիտելիքների:Առաջ են գալիս անօդաչու մեքենաներ, խառը տիպի մեքենաներ, և այդ մեքենաների վարորդները պետք է նեղ մասնագիտական գիտելիքների տիրապետեն»,- ասաց Տիգրան Սարգսյանը: