Մամեդյարովը խոսել է Նալբանդյանի հետ հանդիպման մասին

Մոտ ժամանակներս նախատեսվում է Հայաստանի և Ադրբեջանի ԱԳՆ ղեկավարների հանդիպում, բայց դեռ հայտնի չէ` որ քաղաքում: Այդ մասին այսօր ասել է Ադրբեջանի ԱԳՆ ղեկավար Էլմար Մամեդյարովը իր լեհ գործընկեր Վիտոլդ Վաշչիկովսկիի հետ համատեղ մամուլի ասուլիսի ժամանակ. հայտնում է АПА-ն:

Նա խոսքով` ԼՂ հակամարտության կարգավորման վերաբերյալ բանակցությունները պետք է լինեն ինտենսիվ և առարկայական:

«Մենք խոսել ենք այդ մասին ԵԱՀԿ ՄԽ համանախագահների հետ: Նրանք մի շարք առաջարկներ ունեն: ԱԳՆ ղեկավարների հանդիպման հիմնական նպատակն է կոնկրետ քննարկումներ ունենալը»,- ասել է Մամեդյարովը:

Նա նաև բողոքել է, թե ՀՀ նախագահ Սերժ Սարգսյանի հայտարարությունը Սարգսյան-Ալիև հանդիպման մասին «սխալ» էր:

Նշենք, որ ՀՀ նախագահն ասել էր, որ Հայաստանի համար խնդրի միակ լուծումն այն է, որ Ղարաբաղը լինի Ադրբեջանից դուրս: