Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 7 տարի առաջ - 2017-09-28 21:39
Տնտեսական

Ճապոնացի մասնագետների հետ քննարկվել է միասնական տրանսպորտային համակարգ ներդնելու հարցը

Ճապոնացի մասնագետների հետ քննարկվել է միասնական տրանսպորտային համակարգ ներդնելու հարցը

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը սեպտեմբերի 28-ին ընդունեց Ճապոնիայից ժամանած պատվիրակությանը` Հայաստանում Ճապոնիայի արտակարգ և լիազոր դեսպան Էյջի Տագուչիի ուղեկցությամբ:

 
Պատվիրակության կազմում ընդգրկված էին ճապոնական այնպիսի խոշորագույն ընկերությունների ներկայացուցիչներ, ինչպիսիք են «Hitachi Construction»-ը, «Mitsubishi Heavy Industries»-ը, «JETRO»-ն և այլն: 
 
Նախարարը, ողջունելով հյուրերին, նշեց, որ ճապոնացի գործընկերների այցը Հայաստան շատ սպասված է:
«Հայաստանը մեծապես հետաքրքրված է ճապոնական կողմի հետ համագործակցությամբ: Հուսով եմ, որ այս այցելությունը կնպաստի ՏՀՏ և տրանսպորտային ոլորտներում գործակցության հիմքեր ստեղծելուն»,-նշեց Վահան Մարտիրոսյանը:
 
«Ջետրո» ընկերության Հարավային Կովկասի ներկայացուցչության ղեկավար Յասույուկի Մուրահաշին հայտնեց, որ իրենք ևս հետաքրքրված են Հայաստանի ՏՀՏ ոլորտով: 
Նախարարության ներկայացուցիչների առաջարկով Հայաստանում գտնվելու 3 օրերի ընթացքում պատվիրակությունն այցելելու է «ԴիջիԹեք Էքսպո», մի շարք խոշոր ընկերություններ և կրթական հաստատություններ: Ճապոնական կողմը տեխնոլոգիական ցուցահանդեսում նաև ներկայացմամբ է հանդես գալու: 
 
Յասույուկի Մուրահաշին հույս հայտնեց, որ հանդիպումներն ու քննարկումներն արդյունավետ կլինեն, և դրանց կհաջորդի համատեղ փոխշահավետ նախագծերի իրականացումը:
Նախարարը ՀՀ կառավարության անունից աջակցություն հայտնեց հայ-ճապոնական գործակցության յուրաքանչյուր նախաձեռնությանը:
Հանդիպման ընթացքում անդրադարձ եղավ Հայաստանում միասնական տրանսպորտային համակարգ ներդնելու ուղղությամբ հնարավոր համագործակցությանը` հաշվի առնելով այն հանգամանքը, որ Ճապոնիայի տրանսպորտային ցանցը համարվում է աշխարհում լավագույններից մեկը:
 
Կողմերը խոսեցին նաև Հայաստանում տարածաշրջանային «Տվյալների մշակման կենտրոն» (Data center) ստեղծելու նախագծի մասին, քննարկվեցին գործակցության հնարավորությունները:
 
Նախարարության համապատասխան ոլորտների ներկայացուցիչները կշարունակեն երկկողմ համագործակցության շուրջ հետագա քննարկումները: 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը