Էրդողանի հետ Թուրքիան երբեք ԵՄ անդամ չի կարող դառնալ. Ջեմ Օզդեմիր

Գերմանիայում «Կանաչների» կուսակցության համանախագահ Ջեմ Օզդեմիրը հայտարարել է, որ Էրդողանի հետ Թուրքիան երբեք Եվրամիության անդամ չի դառնա:

Ըստ Demokrathaber-ի՝  Օզդեմիրը հայտարարել է, որ ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի նման ավտորիտար լիդերների հետ հարաբերություններում  պետք է ավելի վճռական մոտեցում ցուցաբերել:

«Էրդողանին ուղղված տնտեսական պատժամիջոցները կարող են ավելի արդյունավետ լինել: Էրդողանի կառավարման ընթացքում Թուրքիան Եվրամիության անդամ չի կարող դառնալ»,- հավելել է Օզդեմիրը:

Նա ավելի իրատեսական և արժեքների վրա հիմնված արտաքին քաղաքականություն վարելու կոչ է արել ԵՄ-ին: