Ժամանակն է` Հայոց ցեղասպանության թեման մտցնենք մեր դասագրքերի մեջ. Օզդեմիր

Գերմանիայի Բունդեսթագի պատգամավոր, Կանաչների կուսակցության պատգամավոր, թուրքական արմատներով քաղաքական գործիչ Ջեմ Օզդեմիրը ֆեյսբուքյան էջում Հայոց ցեղասպանության վերաբերյալ գրառում է կատարել:

«Այսօր հիշում ենք 104 տարի առաջ ցեղասպանության ենթարկված հայերի և այլ քրիստոնյա փոքրամասնությունների հիշատակը: Երբեք մի թույլ տվեք մեզ մոռանալ այս աղետալի ողբերգությունը և դրան Գերմանիայի հանցակցությունը: Այս թեման, այնպես ինչպես հերերոյի և նամայի ցեղասպանությունը, վերջապես պետք է մեր դասագրքերում ներառվի»,- նշել է նա:

Օզդեմիրը նաև հիշեցրել է 2016 թ. Գերմանիայի Բունդեսթագի կողմից Հայոց ցեղասպանության ընդունումը: