Երևանում վայրէջք կատարեց աշխարհում ամենամեծ հակահրդեհային օդանավերից մեկը

Yerkir.am-ի տեղեկություններով՝ քիչ առաջ Երևանի «Էրեբունի» օդանավակայանում վայրէջք կատարեց Ռուսաստանի կողմից տրամադրված հրդեհաշիջման աշխատանքներ իրականացնող «ԻԼ-76» ինքնաթիռը:

Հիշեցնենք որ այսօր ԱԻ նախարար Դավիթ Տոնոյանը դիմել էր ՌԴ ԱԻ նախարար Վլադիմիր Պուչկովին՝ հրդեհաշիջման աշխատանքներ իրականացնող ինքնաթիռ տրամադրելու խնդրանքով՝ «Խոսրովի անտառ» պետական արգելոցում բռնկված հրդեհի մարման աշխատանքներին աջակցելու համար:

«ԻԼ-76» ինքնաթիռը հագեցած է օդային հրդեհաշիջման աշխատանքների համար անհրաժեշտ սարքավորումներով։

Այս օդանավը մեկ թռիչքի ընթացքում կրակի օջախների վրա կարող է ուղղել ավելի քան 42 տոննա ջուր, ինչպես նաև ստեղծել 800 մ երկարությամբ և 60 մ լայնությամբ սահմանազատող գոտի։

«ԻԼ-76» ինքնաթիռը համարվում է աշխարհում ամենամեծ հակահրդեհային օդանավերից մեկը: