Մարգարիտա Սիմոնյանը հեգնել է ամերիկացի սենատորին

Sputnik և RT-ի գլխավոր խմբագիր Մարգարիտա Սիմոնյանը մեկնաբանել է ամերիկացի սենատոր Քրիս Մերֆիի հայտարարությունը,ով դեմ էր պետդեպարտամենտի որոշմանը՝ չհատկացնել միջոցներ ռուսական քարոզչամեքենայի դեմ պայքարելու համար։

« RT-ի հին ֆան ակումբի անդամ սենատորը կատաղության մեջ է, թե ինչու Պետդեպարտամենտը ոչ մի կերպ գումար չի հատկացնում մեր դեմ պայքարելու համար» -նշել է Սիմոնյանը։

Ավելի վաղ Մերֆին քննադատել էր պետդեպարտամենտին, որ չի հատկացնում 80 միլիոն դոլար ռուսական քարոզչամեքենայի դեմ պայքարելու համար։ Նրա կարծիքով՝ դրանով ԱՄՆ-ը թույլ է տալիս Ռուսաստանին՝ ներխուժել ամերիկյան տեղեկատվական տարածք՝ առանց վերահսկելու Ռուսաստանի քարոզչամեքենան։

Մերֆին հայտարարել էր, հնարավոր չէ հաղթել, եթե չհակադարձեն Ռուսաստանի օն-լայն քարոզչությանը, և դրա համար առաջին հերթին պետք է պայքարել Sputnik և RT-ի դեմ։