Երկրորդ փուլ. «Ֆիզիկա»-ից կտրվել է դիմորդների գերակշիռ մասը` 53,5 տոկոսը

Երեկ «Ֆիզիկա» առարկայից միասնական քննությունների երկրորդ փուլն է եղել: Yerkir.am-ին Գնահատման և թեստավորման կենտրոնի արտաքին համագործակցությունների բաժնից տեղեկացրին, որ քննություններին մասնակցել է 144 դիմորդ:

«Ֆիզիկա»-ից ամենաբարձր` 20 միավոր է ստացել 3 հոգի, իսկ միջին գնահատականը եղել է 8.76-ը: Ուշագրավ է այն հանգամանքը, որ քննությունից կտրվել են դիմորդների մեծ մասը` 53,5 տոկոսը:

Ի դեպ, «Ֆիզիկա»-ի միասնական քննության առաջին փուլում պատկերն այլ էր` քննություն հանձնողների թիվը 1540-ն էր: Առաջին փուլում 20 է ստացել 29 դիմորդ, իսկ միջին գնահատականը 11,8 միավորն էր: Առաջին փուլում քննությունից անբավարար էր ստացել քննություն հանձնողների 21 տոկոսը:

Այսօր դիմորդները քննություն են հանձնել «Աշխարհագրություն», «Ընդհանուր պատմություն» և «Կենսաբանություն» առարկաներից: