Քաղաքացիների գերակշիռ մասը կողմ է, որ բուքմեյքերական գրասենյակները փակվեն. «Գելափ»

Տեղեկացրել էինք,որ «GALLUP International association»-ի` Հայաստանում լիիրավ անդամ Էմ Փի ՋԻ ՍՊԸ-ի տնօրեն Արամ Նավասարդյանն այսօր լրագրողներին հայտնել է, որ 1106 անձանց շրջանում հարցում են իրականացրել` մի շարք թեմաների վերաբերյալ քաղաքացիների կարծիքն իմանալու համար:

«Գելափը» քաղաքացիներից հետաքրքրվել է, թե ինչպե՞ս են գնահատում օրենսդրական նախաձեռնությունները, համաձայն որոնց՝ Հայաստանում պետք է արգելվի բուքմեյքերական գործունեությունը (այդ թվում` օնլայն կազինո): Ի պատասխան՝ հարցման մասնակիցների գերակշիռ մասը՝ 62.7 տոկոսը, նշել է, որ միանշանակ դրական է վերաբերվում օրենսդրական վերոհիշյալ նախաձեռնությանը: 14.2 տոկոսն էլ ավելի շուտ դրական է համարում բուքմեյքերական գործունեության արգելումը, իսկ 10.2 տոկոսն էլ համարում է, որ ավելի շուտ բացասական է նման որոշման ընդունումը: Ընդհանրապես բացասական է վերաբերվել  բուքմեյքերական գործունեության արգելման վերաբերյալ օրենսդրական նախաձեռնությանը հարցվածների 3.6 տոկոսը: