Կառավարությունը կհաստատի 2018-2020թթ միջնաժամկետ ծախսերի ծրագիրը

Կառավարության վաղվա նիստի օրակարգում ֆինանսների նախարարությունը ներառել է որոշում` 2018-2020 թթ  պետական միջնաժամկետ ծախսերի ծրագիրը հաստատելու մասին:

 ՀՀ պետական միջ­նա­ժամ­կետ ծախսերի ծրագրա­վորման գործընթացն օրենքով ճա­նաչ­­վել է ընդհանուր բյու­ջետային գործ­ընթացի բաղկացուցիչ մաս և 2003 թվականից իրա­կա­նացվում է օրեն­քով սահմանված ըն­թա­ցակարգով:

 Պետական ծախսերի միջնաժամկետ ծրագրումը շարունակական գործընթաց է և, ըստ էու­թյան, իրե­նից ներկայացնում է «քաղաքականությունների ձևակերպում - պլանավորում – բյու­ջե­տավորում» տրա­մա­բա­նական ամբողջական շղթա: Այն հնարավորություն է ընձեռում մեղմել հասա­նելի բյուջետային ռե­սուրս­նե­րի և պահանջվող ծախսերի միջև հնարավոր անհամա­պա­տաս­խանու­թյունը, ինչպես նաև պետական ծախ­սերում կատարել առանձին բնագավառներում իրա­կանացվող պետական քաղաքա­կա­նության փո­փո­խու­թյուններին հա­մար­ժեք փոփո­խու­թ­յուն­ներ:

 Պետական միջնաժամկետ ծախսերի ծրագրի հիմնական նպատակը պետական ծախ­սե­րի կա­ռա­վար­ման համակարգի արդյունավետության բարձրացումն է: Առաջիկա երեք տար­վա Հայաստանի Հանրապետության պետական միջնաժամկետ ծախ­­սերի ծրագրի մշա­­կումը հնարավորություն է ստեղծում կառավարության հա­մար կառա­վա­րելու պետական հատվածի ֆինանսական ռեսուրսներն իր միջնաժամ­կետ հար­կա­բյու­ջե­տային նպատակ­նե­րին և քաղաքականության գերակայություններին հա­մա­պա­տաս­խան:

 ՀՀ 2018-2020 թվականների պետական միջնաժամկետ ծախսերի ծրագիրը հիմք կծա­ռայի ՀՀ 2018 թվականի պետական բյուջեի նախագծի մշակման աշխատանքների համար, ինչպես նաև` ըն­կա­լելի կդարձնի ինչպես պետական կառավարման մարմինների, այնպես էլ` հանրության հա­մար կառավարության առաջիկա երեք տարվա հարկաբյուջետային քաղաքականության գերակայությունները և ծախսային քաղաքականության ռազմավա­րությունը: