Թուրքիայում զրահապատ և մարդատար ավտոմեքենաների բախման հետևանքով 5 քաղաքացի է մահացել

Ներկայիս Թուրքիայի տարածքում գտնվող հայկական Տիգրանակերտ (Դիարբեքիր) նահանգի Լիջե շրջանում ոստիկանության զրահապատ մեքենան հարվածել է մարդատար ավտոմեքենայի: Ըստ Demokrathaber-ի՝ վթարի հետևանքով մահացել է 5 քաղաքացի, 5 ոստիկան վիրավորվել է:

Նման դեպք է տեղի ունեցել նաև երեկ: Նույն տարածքում թուրքական հատուկ ուժայիններին տեղափոխող միկրոավտոբուսը բախվել է մարդատար ավտոբուսի, ինչի հետևանքով մահացել է 2 քաղաքացի, ևս 18 մարդ՝ վիրավորվել:

Նշենք, որ Դիարբեքիրում իրավիճակը լարված է: Քուրդ զինյալների դեմ գործողությունների շրջանակներում հաճախ բախումներ են տեղի ունենում, որոնց հետևանքով գրանցվում են զոհեր և վիրավորներ: