Փոխարժեքներ
18 01 2025
|
||
---|---|---|
USD | ⚊ | $ 398.94 |
EUR | ⚊ | € 410.95 |
RUB | ⚊ | ₽ 3.8929 |
GBP | ⚊ | £ 486.63 |
GEL | ⚊ | ₾ 140.52 |
Գյուղատնտեսության նախարարությունը նախատեսում է ստեղծել արտահանման և կոորդինացման մի կառույց, որի հիմնական նպատակը կլինի կազմակերպել փոքր ու միջին ձեռնարկությունների արտադրանքի արտահանումը: Այս մասին լրագրողների հետ հանդիպման ժամանակ ասաց ՀՀ գյուղատնտեսության փոխնախարար Ռոբերտ Մակարյանը:
Ըստ նրա` պետությունը մի քանի տարի կաջակցի ընկերությանը, մինչև վերջինս ինքնուրույն ի վիճակի կլինի կազմակերպել արտահանման գործընթացը:
«Հիմնական նպատակը որակի, վաճառքի ապահովումն է, ինչպես նաև մաքսային և սննդի անվտանգության խնդիրների լուծումը կառույցի կողմից: Կօգնենք, որպեսզի փոքր ու միջին ձեռնարկությունները կարողանան իրենց արտադրանքը համապատասխանեցնել միջազհային չափանիշներին, այն արտահանեն, որն էլ շղթայական իր ազդեցությունը կունենա գյուղմթերք արտադրողների հետ պայմանագրային հարաբերությունների կնքման, վճարումների` ժամանակին կատարման առումով»,-ասաց Մակարյանը:
Ի դեպ, կառույցի համագործակցությունը որոշ ընկերությունների հետ, ըստ գյուղատնտեսության փոխնախարարի, պիլոտային ծրագրով կիրականացվի այս տարի, իսկ հաջորդ տարվանից սկսած` ավելի կընդլայնվեն համագործակցության շրջանակները: