Նախարարությունների թիվը կրճատվեց

Հայտնել ենք, որ ԱԺ արտահերթ նիստի օրակարգում կառավարության կողմից ներկայացված օրենքների նախագծերը երկրորդ ընթերցմամբ և ամբողջությամբ ընդունելու հարցերն են: Նշենք, որ ներկայացված բոլոր նախագծերն էլ երկրորդ ընթերցմամբ և ամբողջությամբ ԱԺ-ն ընդունեց:

«Հեռուստատեսության եւ ռադիոյի մասին» Հայաստանի Հանրապետության օրենքում փոփոխություններ եւ լրացում կատարելու մասին և «Պետական տուրքի մասին» Հայաստանի Հանրապետության օրենքում փոփոխություններ կատարելու մասին օրենքների նախագծերը երկրորդ ընթերցմամբ և ամբողջությամբ ընդունվեցին ձայների` 93 կողմ, 0 դեմ, 0 ձեռնպահ հարաբերակցությամբ:

«Միջազգային պայմանագրերի մասին» Հայաստանի Հանրապետության օրենքում փոփոխություններ եւ լրացումներ կատարելու մասին նախագիծը երկրորդ ընթերցմամբ և ամբողջությամբ ընդունվեց ձայների` 96 կողմ, 0 դեմ, 0 ձեռնպահ  հարաբերակցությամբ:

«Իրավական ակտերի մասին» Հայաստանի Հանրապետության օրենքում փոփոխություններ կատարելու մասին նախագիծը երկրորդ ընթերցմամբ և ամբողջությամբ ընդունվեց ձայների` 97 կողմ, 0 դեմ,0 ձեռնպահ հարաբերակցությամբ:

Ինչ վերաբերում է «Հայաստանի Հանրապետության կառավարության կառուցվածքի մասին» օրենքում և ներկայացված կից օրենքներում փոփոխություններ կատարելու մասին նախագծին, որով կառավարությունն առաջարկում է նախարարների թիվը դարձնել 18, ապա այս նախագծին դեմ քվեարկեց «Ելք» դաշինքը, ձեռնպահ` «Ծառուկյան» դաշինքը: Այդուհանդերձ, նախագիծը երկրորդ ընթերցմամբ և ամբողջությամբ ընդունվեց ձայների` 61 կողմ, 10 դեմ, 26 ձեռնպահ հարաբերակցությամբ: