Այսօր Ստամբուլում կբացվի Հրանտ Դինքի «հիշողության անկյունը»

Այսօր՝ մայիսի 18-ին, Թանգարանների միջազգային օրը կբացվի Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքի «հիշողության անկյունը»:

Ըստ «Ակօս»-ի՝  «հիշողության անկյունը» գտնվում է Հրանտ Դինքի անվան հիմնադրամի նախկին շենքում, որի դիմաց հենց տեղի էր ունեցել Դինքի դավադիր սպանությունը:

Դինքի աշխատանքային սենյակում ստեղծված «հիշողության անկյունը» կլինի Թուրքիայի հայերի պատմության, մշակույթի, «Ակօս» թերթի և Թուրքիայում ազգային փոքրամասնությունների իրավունքների վերաբերյալ խնդիրների մասին հիշելու վայր:

Քանի որ սենյակի դասավորման աշխատանքները դեռ ընթացքի մեջ են,  «հիշողության անկյունն» այսօր կբացվի մեկ օրով, իսկ հետագայում բաց կլինի ժամը 10:00-20:00-ը: