Այսօր լրացավ Հրանտ Դինքի սպանության 7-րդ տարելիցը. լուսանկարներ՝ Կ.Պոլսից

7 տարի առաջ՝ հունվարի 19-ին, սպանվեց Կ.Պոլսի «Ակօս» թերթի գլխավոր խմբագիր Հրանտ Դինքը:

Նա Թուրքիայի այն երևելի մտավորականներից էր, ով բոլորի ուշադրության կենտրոնում էր գտնվում իր անվախ ելույթներով:

 Պոլսահայ լրագրողը սպանվեց 2007 թվականի հունվարի 19-ին, Շիշլիում գտնվող «Ակօս» խմբագրատան առաջ` ետևից գլխին արձակված երեք հրազենային կրակոցներից։ Մարդասպանը հեռանալիս գոչել էր՝ «գյավու՛ր»:

Սպանությունն իրականացնելու կասկածանքով ոստիկանությունը ձերբակալեց 17-ամյա Օգյուն Սամաստին, ով խոստովանել էր իր մեղքը:

Դինքի սպանության 7-րդ տարելիցի կապակցությամբ Կ.Պոլսում այսօր` ժամը 15-ին, տեղի ունեցավ երթ՝ մինչև «Ակօս»-ի խմբագրատունը, ապա՝ այցելություն գերեզմանատուն: Երթը կազմակերպվում է շուրջ 7 տարի՝ «Դինքի ընկերները» խմբի կողմից:

Նշենք, որ մինչ սպանությունը Դինքի հասցեին բազում սպառնալիքներ են հնչել: Թեեւ Դինքի ընտանիքը տեղեկացրել էր ոստիկանությանը, նրանք հրաժարվել էին օգնել և կանխել հնարավոր ոճրագործությունը:

Լուսանկարներ՝ Կ.Պոլսի երթից