Հուսով եմ, վաղը սխալներ թույլ չենք տա․ Ղազախստանի հավաքականի մարզիչ

Վաղը՝ մարտի 26-ին, ֆուտբոլի Հայաստանի ազգային հավաքականը կանցկացնի ԱԱ-2018-ի ընտրական փուլի հերթական հանդիպումը՝ սեփական հարկի տակ մրցելով Ղազախստանի հավաքականի հետ։ Այսօր տեղի ունեցավ Ղազախստանի հավաքականի գլխավոր մարզիչ Ալեքսանդր  Բորոնդյուկի նախախաղային մամուլի ասուլիսը։

Խոսելով այն մասին, թե հիմա էլ է այն կարծիքին որ 2 հավաքականները նման են իրար խաղաոճով՝ մարզիչը պատասխանեց․

 «Հիմա էլ եմ այն կարծիքին, որ 2 հավաքականները նման են իրար։  Ինչ վերաբերվում է Կիպրոսի հետ խաղին, մենք հաղթում էինք 1։0 հաշվով, սակայն երկրորդ խաղակեսում 3 գոլ բաց թողեցինք։ Հուսով եմ վաղը նման սխալներ թույլ չենք տա»։

Հարցին, թե ինչպիսի խաղադային պլան կկիրառեն, Բորոնդյուկը պատասխանեց․

-Թե տակտիկական ինչպիսի դասավորությամբ հանդես կգանք վաղը ՝ դա քննարկվում է մեր ներքին խոհանոցում։  Մենք կփորձենք մեր թիմային խաղով չեզոքացնել մրցակցի ուժեղ ֆուտբոլիստներին։