Գերմանիան պետք է դատվի. Էրդողան

Թուրքիայի նախագահ Ռեջեփ Թայիփ Էրդողանը «գերմանական լրտես» է անվանել Die Welt թերթի լրագրող Դենիզ Յուջելին, ով այժմ կալանավորված է Թուրքիայում:

Նշենք, որ Յուջելը ձերբբակալվել էր փետրվարի 17-ին: Նա թուրքական իշխանությունների կողմից մեղադրվում է ահաբեկչական կազմակերպության կազմում ներգրավված լինելու,  ինչպես նաև ահաբեկչական քարոզչություն անելու մեջ:  

Ըստ Demokrathaber-ի՝ Էրդողանը քննադատել է նաև Գերմանիայի իշխանություններին:

«Գերմանիան պետք է դատվի ահաբեկիչներին օգնելու և նրանց ապաստան տալու համար»,- հայտարարել է նա՝ դատապարտելով նաև գերմանական Գագենաուի իշխանությունների կողմից թուրքական միջոցառման չեղարկումը: