Թրամփի տրամադրվածությունը ՌԴ-ի և ԱՄՆ-ի միջև երկխոսության մեջ առաջընթացի հույս է ներշնչում. Լավրով

Ռուսաստանի արտգործնախարար Սերգեյ Լավրովը ավստրիական Profil ամսագրին տված հարցազրույցում հայտարարել է, որ Ռուսաստանի և ԱՄՆ-ի միջև նորմալ երկխոսության կառուցման անհրաժեշտության մասին ԱՄՆ նախագահ Դոնալդ Թրամփի դիրքորոշումը երկկողմանի հարաբերություններում դրական առաջխաղացումների հույս է ներշնչում, գրում է life.ru-ն:

Սերգեյ Լավրովը հավելել է, որ Մոսկվայում ուշադիր հետևում են Ռուսաստանի մասին Դոնալդ Թրամփի հայտարարություններին:

ՌԴ արտգործնախարարը նաև նշել է, որ Ռուսաստանը պատրաստ է անցնել «ճանապարհի իր մասը» ԱՄՆ-ի հետ հարաբերությունների կառուցման համար:

«Մենք պատրաստ ենք անցնել ճանապարհի մեր մասը ԱՄՆ-ի հետ կապերի առողջացման համար: Վերջին տարիներին դրանց վատթարացումը տեղի է ունեցել ոչ մեր մեղքով, այլ Վաշինգտոնի նախկին վարչակազմի նպատակամղված գործողությունների հետևանքով»,- ասել է նա: