ՌԴ ԱԳՆ-ն ողջունել է ԵԱՏՄ-ում իր նախագահության շրջանակներում ՀՀ-ի աշխատելու տրամադրվածությունը․ Զախարովա

Մոսկվան ողջունում է Երևանի՝ 2024 թվականին ԵԱՏՄ-ում Հայաստանի նախագահության շրջանակներում արդյունավետ աշխատանքին տրամադրվածությունը։ Այդ մասին ճեպազրույցում ասաց ՌԴ ԱԳՆ պաշտոնական ներկայացուցիչ Մարիա Զախարովան, գրում է РИА Новости-ին։

«Մենք մեր հայ գործընկերների, ինչպես նաև ԵԱՏՄ անդամ մնացած երկրների հետ ձևավորում ենք կառուցողական, ապաքաղաքականացված երկխոսություն։ Հունվարի 1-ից միության մարմինների նախագահությունը, ինչպես դուք կրկին նշեցիք, անցնում է Հայաստանին։ Այս երկրի Վարչապետը, ելույթ ունենալով դեկտեմբերի 25-ին Սանկտ Պետերբուրգում Եվրասիական տնտեսական բարձրագույն խորհրդի նիստում, հայտարարեց, որ Երևանը տրամադրված է միջնաժամկետ և երկարաժամկետ հեռանկարում ԵԱՏՄ շրջանակներում նպատակների համակարգված իրականացման վրա։

Մենք աջակցում ենք մեր գործընկերների տրամադրվածությանը, սա հենց հետագա արդյունավետ աշխատանքի այն տրամադրությունն է, որն ուղղված  է եվրասիական տնտեսական ինտեգրացիայի ամրապնդմանն ու զարգացմանը»,- պատասխանելով լրագրողի հարցին՝ ասաց Զախարովան։