Դժբախտ պատահար Գյումրիում․ Գագիկ Ծառուկյանի հետ հանդիպման ժամանակ տղամարդը հանկարծամահ է եղել

Գագիկ Ծառուկյանի մամուլի քարտուղար Իվետա Տոնոյանը ֆեյսբուքյան իր էջում անդրադարձել է այսօր Գագիկ Ծառոկյանի Գյոմրի կատարած այցին եւ գյումրեցիների հետ հանդիպմանը, որի ընթացքում 50-ն անց տղամարդ է մահացել։

 «Քիչ առաջ ցավով տեղեկացանք, որ այսօր Գագիկ Ծառուկյանի Գյումրի կատարած այցելությունից առաջ Վարդանանց հրապարակում դժբախտ պատահար է տեղի ունեցել: Մամուլի տեղեկությունների համաձայն՝ 50-ն անց տղամարդը տեղում մահացել է սրտի կաթվածից: Գագիկ Ծառուկյանը հրապարակում գյումրեցիների հետ հանդիպումից հետո է միայն տեղեկացել այդ մասին: Նա խնդրել է իր ցավակցությունը փոխանցել մահացածի ընտանիքին և հարազատներին»,- գրել է Իվետա Տոնոյանը: