Ցուկենբերգի կոչը

Facebook ընկերությունը մտադիր է 2017 թվականին հետ գնել 6 մլրդ դոլար ընդհանուր արժողությամբ իր բաժնետոմսերը:

Ընկերության տնօրենների խորհուրդը այս գործարքը, որը ուժի մեջ կմտնի 2017 թվականի առաջին եռամսյակում եւ չունի վաղեմության ժամկետ, հաստատել է երեկ։ Financial Times-ի տվյալներով՝ ընկերության այս քայլը կարող է կապված լինել այն բանի հետ, որ Facebook-ն ու նրա ներդրողները հաջորդ տարի շահույթի անկում են կանխատեսում:

Նշվում է նաեւ, որ Facebook-ի հիմնադիր Մարկ Ցուկենբերգը համաշխարհային լիդերներին կոչ է արել աջակցել ինտերնետի տարածմանը։ Նրա խոսքով, աշխարհի բնակչության կեսը զուրկ է ինտերնետ կապից կամ չի կարողանում ֆինանսական առումով այն անհասանելի է նրանց համար։ Եթե մենք կարողանանք 4 միլիարդ մարդու համար ինտերնետ ապահովել, ապա կարող ենք միլիոնավոներին փրկել աղքատությունից։