Թուրքիայի անունը կարող է փոխվել

Թուրքիայում գլխավոր ընդդիմադիր Ժողովրդահանրապետական կուսակցության պատգամավոր Բարըշ Յարքադաշն իշխող «Արդարություն և զարգացում» կուսակցության շրջանակում քննարկվող մի շարք հարցերի մասին ուշագրավ մանրամասներ է հայտարարել: 

Ըստ Cumhuriyet-ի՝  նա նշել է ԱԶԿ-ի՝ երկրի անունը փոխելու հեռանկարի մասին:«Խոսակցություններ կան, որ նախագահական համակարգի հաստատման դեպքում երկիրն էլ կարող է վերանվանվել «Նոր Թուրքիա» կամ «Թուրքիայի Նախագահական Հանրապետություն»,- նշել է պատգաամվորը:

Նրա խոսքով՝  այդ ամենը բացատրվում է նրանով, որ հատկապես վերջին շրջանում ԱԶԿ ներկայացուցիչները  հաճախ են օգտագործում «Նոր Թուրքիա» արտահայտությունը՝ փորձելով հասարկությանը հոգեբանորեն նախապատրաստել հնարավոր փոփոխությանը: