Ուժը կորցրած է ճանաչվել իրավաբանական անձանց տրամադրված ուղևորափոխադրումների 4 լիցենզիա

ՀՀ տրանսպորտի, կապի և տեղեկատվական տեխնոլոգիաների նախարարությունում նոյեմբերի 18-ին տեղի ունեցավ լիցենզավորման հանձնաժողովի հերթական նիստը:

Նիստի ընթացքում քննարկվեցին անհատ ձեռնարկատերերի, կազմակերպությունների և ֆիզիկական անձանց կողմից մարդատար-տաքսի ավտոմոբիլներով ուղևորափոխադրումների կազմակերպման լիցենզիա և լիցենզիայի ներդիրներ տրամադրելու, մի շարք լիցենզիաների ներդիրներ ուժը կորցրած ճանաչելու, ինչպես նաև փոստային կապի գործունեության լիցենզիա և լիցենզիայի ներդիրներ տրամադրելու համար ներկայացված հայտերը:

Մարդատար-տաքսի ավտոմոբիլներով ուղևորափոխադրումների կազմակերպման լիցենզիայի ներդիր տրամադրվեց իրավաբանական մեկ անձի, 26 ֆիզիկական անձ ստացավ լիցենզիա և ներդիր, իսկ մեկ իրավաբանական անձի տրվեց փոստային կապի գործունեության լիցենզիա՝ երկու ներդիրով:

Ուժը կորցրած ճանաչվեց ֆիզիկական անձանց տրված 38 լիցենզիա և ներդիր, և իրավաբանական անձանց տրամադրված 4 լիցենզիայի ներդիր: