Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Երեկ լրագրողների հետ զրույցում ԲՀԿ կուսակցության ղեկավար Գագիկ Ծառուկյանը հայտարարել էր, թե պետք է խնդրեն, որ ինքը վերադառնա քաղաքականություն` «մտնի այդ ծանրության տակ»:
Yerkir.am-ի հետ զրույցում ԱԺ ՀՀԿ խմբակցության պատգամավոր Սուքիաս Ավետիսյանը, անդրադառնալով այդ հայտարարությանը, ասաց. «Թողնենք, թող Գագիկ Ծառուկյանը որոշի՝ վերադառնո՞ւմ է, թե՞ ոչ: Ես զերծ եմ մնում մեկնաբանությունից: Նրա քաղաքական ուժը պետք է որոշի: Չեմ կարծում, որ ուրիշ քաղաքական ուժի փոխարեն կամ անձի փոխարեն պետք է որոշում կայացնել, դա ազնիվ չէ»:
2015 թվականի փետրվարյան իրադարձությունները ՀՀԿ-ական պատգամավորը «ՀՀԿ-Գագիկ Ծառուկյան կոնֆլիկտ» չի որակում: «Դա ընդամենը եղել է գնահատական: Գնահատականից հետո ամեն քաղաքական ուժ և ամեն մարդ ինքն է որոշել, թե այդ գնահատականը ինչ ձևով է ունեցել ազդեցություն: Դա կոնֆլիկտ չէ, ընդամենը եղել է գնահատական, եւ վերջ»: