Փոխարժեքներ
07 06 2025
|
||
---|---|---|
USD | ⚊ | $ 384.44 |
EUR | ⚊ | € 434.11 |
RUB | ⚊ | ₽ 4.8278 |
GBP | ⚊ | £ 515.15 |
GEL | ⚊ | ₾ 140.51 |
Այսօր կառավարության նիստում ֆինանսների նախարար Գագիկ Խաչատրյանը ներկայացրեց «Շրջանառության հարկի մասին» օրենքում լրացում և փոփոխություն կատարելու մասին օրենքի նախագծի վերաբերյալ կառավարության եզրակացության նախագծի հարցը:
Նախագծի հեղինակն է ԱԺ ՀՀԿ պատգամավոր Վարդան Այվազյանը: Խոսքը վերաբերում է երկրորդային հումքի իրացումից ձեռք բերված եկամուտներին, առաջարկվում է 2015թ. հուլիսի 1-ից սահմանել 1 տոկոս դրույքաչափ, իսկ 2016-ից 1,5 տոկոս դրույքաչափ:
Վարչապետ Հովիկ Աբրահամյանը հարցրեց. «5 տոկոս` գումարած մեկ տոկո՞ս, ինչո՞ւ»:
«Քանի որ երկրորդային հումքի անհրաժեշտ փաստաթղթերը չեն կարողանում ապահովել»,- պատասխանեց Գագիկ Խաչատրյանը:
«Ես գտնում եմ, որ դեռ որոշում չենք կայացնի, մինչև հասկանանք` ինչի մասին է խոսքը, նոր հաջորդ նիստին կանցնենք այս հարցին»,- ասաց վարչապետը: