Ուսանողներ տեղափոխող ավտոմեքենան բախվել է Opel-ի. 18-ամյա աղջիկ է մահացել

Այսօր առավոտյան խոշոր ողբերգական ավտովթար է տեղի ունեցել Կոտայքի մարզում։ 8-9 տուժած է տեղափոխվել Հրազդանի բժշկական կենտրոն: Իրար են բախվել Opel մակնիշի և Mercedes Benz Sprinter մակնիշի ավտոմեքենաները: Ի դեպ, yerkir.am-ի տեղեկություններով` Mercedes-ը ուսանողների է տեղափոխելիս եղել դեպի Երևան, երբ ճանապարհին մերկասառույցի պատճառով դուրս է եկել հանդիպակաց երթևեկելի գոտի ու բախվել դեպի Սևան ընթացող Opel-ին. Mercedes-ի անվադողերը ձմեռային չեն եղել:

Yerkir.am-ի հետ զրույցում Հրազդանի ԲԿ-ի տնօրեն Ռոբերտ Սահակյանը հայտնեց, որ վթարի պատճառով մահացել է մի աղջիկ` 18-ամյա Հռիփսիմե Գասպարյանը:

«Մյուս ուսանողների կյանքին վտանգ չի սպառնում, նրանք հիվանդանոց են տեղափոխվել կոտրվածքներով: Գանգուղեղային վնասվածքներ ունի նաև Mercedes-ի վարորդը»,- ասաց նա:

Մեր տեղեկություններով` Opel-ի վարորդը զինվորական է, ով աշխատանքի գնալիս է եղել: Նա տեղափոխվել է Կենտրոնական կլինիկական հոսպիտալ` գանգի տրավմայով և ստորին վերջույթի կոտրվածքով: