Սունդուկյանի անվան թատրոնի դահլիճը լիովին պատրաստ է շահագործման. տրամադրվել էր 7 մլն եվրո

Գաբրիել Սունդուկյանի անվան ազգային ակադեմիական թատրոնի բեմա­կան մեխանիզմների վերազինման աշխատանքներն ամբողջովին ավարտվել են: Այս մասին Yerkir.am-ին հայտնեցին թատրոնից: Արդեն իսկ կնքվել է աշխատանքների հանձնման-ընդունման արձանագրությունը: Դահլիճը լիովին պատրաստ է շահագործման:

Հիշեցնենք, որ դեռևս 2012-ին ՀՀ մշակույթի նախարարությունը միջազգային մի շարք ընկերությունների հետ կնքեց պայմանագրեր մեր մշակութային կենտրոնների վերանորոգման և վերազինման համար: Մասնավորապես` ՀՀ մշակույթի նախարարության և Կոնսորցիումի անդամ «Վագներ-Բիրո Աուստրիա ստեյջ սիսթեմս ԷյՋի», «Զալցբրեներ Ստեյջեթեք աուդիո վիդեո մեդիենսիսթեմս ՋիէմբիԷյջ», «Էլեկտրոնիկ Թիեթր քոնթրոլս ՋիէմբիԷյջ» և «Արթսթեք» ընկերությունների միջև կնքված պայմանագրերի համաձայն՝ պետք է վերանորոգվեին և վերազինվեին Ալ. Սպենդիարյանի անվան օպերայի և բալետի ազգային ակադեմիական թատրոնը, «Արամ Խաչատրյան» համերգասրահն ու Գ. Սունդուկյանի անվան թատրոնը:

Թատրոնին տրամադրվել էր 7 մլն եվրո: