7 մլն եվրո` Սունդուկյանի անվան թատրոնի վերանորոգման համար

Արդեն տեղեկացրել ենք, որ այս տարի Սունդուկյանի անվան ազգային ակադեմիական թատրոնը վերջապես կհիմնանորոգվի: Yerkir.am-ի հետ զրույցում թատրոնի տնօրեն Ստեփան Դավթյանը նշել էր, որ, նախնական հաշվարկների համաձայն, 7-8 մլն եվրո կտրամադրվի թատրոնի վերանորոգման համար:

Կառավարությունն այսօր համաձայնեց Գ. Սունդուկյանի անվան ազգային ակադեմիական թատրոնին տեխնիկական, լուսային և ձայնային վերազինման նպատակով գումար հատկացնել: Թատրոնի վերազինման համար կտրամադրվի 7 մլն եվրո` Ավստրիայի կառավարության կողմից արտոնյալ պայմաններով հատկացվելիք վարկային միջոցների շրջանակներում:

Նախատեսվում է մինչև 2015 թ. հուլիս-օգոստոս ամիսն ավարտել թատրոնի բեմի տեխնիկական, լուսային և ձայնային վերազինումը, որի արդյունքում դրանք կհամապատասխանեն համերգասրահներին և թատրոններին ներկայացվող միջազգային չափանիշներին: