Ես պահանջում եմ իմ երեխային. Գառնիկ Հովակիմյանի մայրը կարծում է՝ իր որդուն հարկադրաբար են պահում ՊՊԾ գնդում

Գառնիկ Հովակիմյանի մայրը՝ Մարինե Պապիկյանը վստահ է, որ իր որդին գտնվում է ՊՊԾ գնդում՝ զինված խմբի հետ: «Գառնիկը ապրում է Ռուսաստանում: Նա Հայաստան է եկել որ անձնագիրը փոխի: 21-ին պետք է անձնագիրը ստանար, 24-ին հետ գնար Ռուսաստան:  17-ին հենց տղայիս ծննդյան օրն է, դարձավ 26 տարեկան,  16-ի իրիկունը գնացել է տանից ու չի վերադարձել: Ես  17-ի առավոտը ժամը յոթին զանգեցի իրեն, ձայնն արձագանքում էր, հարցրեցի՝ որտեղ է, ասեց մի հատ շենքի մեջ ենք, ասեցի ի՞նչ շենք ա, ասեց չգիտեմ: Ինքը ստեղ չի ապրում, Ռուսատանում է ապրում, այնտեղ կին ու երեխա ունի, ովքեր սպասում են նրան»,- ասաց  Մարինե Պապիկյանը՝ լրագրողների հետ հանդիպման ընթացքում:

«Զանգել է ինձ ու ասել, որ փակ տեղում է ու չի կարող խոսել: Ես պահանջում եմ իմ երեխային,  իր ընտանիքը սպասում է  իրեն»,-նշեց Գառնիկ Հովակիմյանի մայրը՝ հավելելով, որ տեղեկություն  է ստացել, որ իր տղան պետքէ ցույցի մասնակցեր. «Ես գիտեի, որ ցույցի են գնացել, ինչ-որ խաբել են, ասել են մի ժամով գնում են ցույցի, գան»: