Օբաման բարձր է գնահատել ՌԴ-ի ջանքերը` ուղղված ԼՂ հակամարտության կարգավորմանը

ԱՄՆ նախագահ Բարաք Օբաման Ռուսաստանի նախագահ Վլադիմիր Պուտինի հետ հեռախոսազրույցի ժամանակբարձր է գնահատել ԼՂ հակամարտության կարգավորմանն ուղղված` Ռուսաստանի ջանքերը։ Այդ մասին հայտնում է РИА Новости-ն` Կրեմլի մամուլի ծառայությանը հղումով:

Նշվում է, որ Պուտինը Օբամային տեղեկացրել է Ղարաբաղյան հակամարտության հարցով հունիսի 20-ին Սանկտ Պետերբուրգում Հայաստանի եև Ադրբեջանի նախագահներ Սերժ Սարգսյանի և Իլհամ Ալիեի հետ եռակողմ հանդիպման արդյունքների մասին:

«Պուտինն ընդգծել է, որ բանակցությունները կազմակերպելիս Ռուսաստանն ուղղորդվել է հակամարտության գոտում իրադրության շուտափույթ կայունացմանը նպաստելու և խաղաղ գործընթացի առաջխաղացման համար պայմաններ ստեղծելու անհրաժեշտությամբ»,- ասվում է հաղորդագրության մեջ:

Կողմերը պայմանավորվել են ԵԱՀԿ Մինսկի խմբի շրջանակում շարունակել համատեղ ակտիվ աշխատանքն այդ կարեւոր ուղղությամբ: