Թուրքիայի ԱԳՆ-ն չի հերքում Սիրիայի խաղաղ բնակչության վրա կրակելու փաստը

Թուրքիայի ԱԳ նախարարության մամուլի խոսնակ Թանժու Բիլգիչը պատասխանել է երեկ Թուրքիայի սահմանն իբր ապօրինի հատել ցանկացող` Սիրիայի քաղաքացիների վրա կրակ բացելու և արդյունքում` 11 սիրիացու մահվան վերաբերյալ հարցին:

ԱԳՆ-ի պաշտոնական կայքը, չհերքելով այդ լուրը, հայտնել է, որ Թուրքիան իրավունք ունի գործելու «ապօրինաբար սահմանն անցնելու փորձ անողների դեմ՝ օրենքի շրջանակներում»:

Կայքը նաև բացատրել է, թե ինչու են «անվտանգության միջոցներ ձեռնարկում»:

«Մեր անվտանգության ծառայության միավորումները, թե’ Սիրիայում հակամարտության, թե’ ահաբեկչական կազմակերպությունների, թե’ թրաֆիքինգի ցանցերի գործողությունների առաջացրած վտանգի ու սպառնալիքների դեմ պայքարելով, ապահովում են մեր երկրի սահմանների անվտանգությունը՝ ելնելով տվյալ իրավիճակից»,- նշվել է հայտարարության մեջ: