Դիլիջանում օճառի և օծանելիքի արտադրություն կհիմնվի

Այսօր կառավարության նիստում էկոնոմիկայի նախարար Արծվիկ Մինասյանը ներկայացրեց որոշում, որով առաջարկվում է, հիմք ընդունելով Տավուշի մարզի Դիլիջան համայնքի և հարակից տարածքների զարգացման և ներդրումների խրախուսման մասին օրենքի 5-րդ հոդվածի առաջին մասի  չորրորդ պարբերությունը, հաստատել Դիլիջան քաղաքում քիմիական արդյունաբերության բնագավառում թույլատրելի գործունեության տեսակների ցանկը:

Հարցը երկար ժամանակ քննարկվել է բոլոր շահագրգիռ գերատեսչությունների հետ: Ի վերջո, համաձայնեցվել է գործունեության երկու տեսակ` օճառի արտադրություն և օծանելիքի, կոսմետիկական միջոցների արտադրություն:

Որոշումը հաստատվեց: