Ցավում եմ, որ ԵՄ-ն երբեմն Թուրքիային դեմ է լինում. Էրդողան

Թուրքիայի նախագահ Ռեջեփ Թայիփ Էրդողանը հերթական անգամ անդրադարձել է Թուրքիայի անդամակցությանը ԵՄ-ին:

Ըստ Demokrathaber-ի՝ Թուրքիայի նախագահը նշել է, որ մի կողմից շարունակվում են ԵՄ-ին անդամակցելու հարցում բանակցությունները, մյուս կողմից` «ջանքեր են գործադրվում փախստականների հարցին լուծում տալու համար»:

«Իհարկե, խոսքն անգամ լինել չի կարող, որ ահաբեկչության դեմ պայքարը թուլացնող ինչ-որ քայլ կձեռնարկենք»,- հայտարարել է Էրդողանը:

Նրա խոսքով՝ իրենք ցավում են, որ ժամանակ առ ժամանակ ԵՄ-ն դեմ է լինում Թուրքիային: «Պետք է կենտրոնանանք մեր ռազմավարական նպատակների վրա: Մենք շարունակեցինք վիզային ռեժիմը հանելու գործընթացը, և իրականում այն գտնվում է ավարտական փուլում»,- ասել է Թուրքիայի նախագահը: