Նախատեսվում է կառուցել եռաշերտ միջպետական ճանապարհ Վանաձոր-Ալավերդի-Բագրատաշեն ուղղությամբ

Այսօր ԱԺ ֆինանսավարկային հանձնաժողովում քննարկվում էր ՀՀ նախագահի ներկայացրած` Հայաստանի Հանրապետության եւ Եվրոպական ներդրումային բանկի միջեւ 2016 թվականի հունվարի 26-ին Երեւանում եւ 2016 թվականի հունվարի 29-ին Լյուքսեմբուրգում ստորագրված «Հայաստանի Մ6 միջպետական ճանապարհ» ֆինանսական պայմանագիրը:

Հիմնական զեկուցող` տրանսպորտի և կապի փոխնախարար Արթուր Առաքելյանը նշեց, որ Վանաձոր-Ալավերդի- Վրաստանի սահման ուղղությամբ ճանապարհահատվածը կարդիականացվի, շինարարական աշխատանքները կտևեն 3 տարի: Կվերանորոգվեն այդ հատվածի վտանգավոր 3 թունելները: Նախատեսվում է հիշյալ հատվածում երթևեկելի գոտու լայնացում՝ եռաշերտ ճանապարհ:

Փոխնախարարի խոսքով, բարձրակարգ ճանապարհ է լինելու, եթե` ոչ առաջին կատեգորիայի, ապա երկրորդ կատեգորիայի ճանապարհ կառուցելու հնարավորություն է ընձեռվում: «Շատ հրատապ խնդիր է լուծվում այս պայմանագրով, նույնիսկ անհետաձգելի հարց է»,- ասաց Արթուր Առաքելյանը: