ՊԵԿ նորանշանակ նախագահը հայտնեց, թե ով է իրեն այդքան գումար նվիրել

Այսօր լրագրողները ՊԵԿ նորանշանակ նախագահ Հովհաննես Հովսեփյանին հարցրեցին, թե ի՞նչ աղբյուրներից են ձևավորվել նրա հայտարագրի մեծ ֆինանսական միջոցները: Հովհաննես  Հովսեփյանը նախ նշեց, որ հայտարարագրում ամեն ինչ նշված է` նվիրատվություններ են այդ ֆինանսական միջոցները:

Լրագրողների հարցին, թե ովքե՞ր են այդքան մեծ գումարներ նվիրել, պատասխանեց. «Իմ եղբայրը, նա ՌԴ-ում է ապրում»:

Հարցին, թե ճի՞շտ են, արդյոք, տեղեկությունները, որ Հովհաննես Հովսեփյանը սկսել է պաշտոնանկ անել ոլորտի մի քանի ներկայացուցիչների, նա պատասխանեց, որ նման բան չկա:

Հարցին, թե մենաշնորհների դեմ ինչպե՞ս են պայքարելու, ՊԵԿ նախագահը նշեց. «Շատ մարտական»:

Նշենք, որ ՊԵԿ նախագահը խուսափում էր լրագրողների այդ հարցերից և փորձում արագ հեռանալ: Լրագրողների տարակուսանքին, թե ինչո՞ւ չի շփվում լրագրողների հետ, Հովհաննես Հովսեփյանը պատասխանեց. «Ես պետք է աշխատեմ, չէ՞, որ հետո կարողանամ շփվել ձեզ հետ»: