«Ցեղասպանություն՝ Ցեղասպանությունից հետո». ցուցահանդես՝ Եվրախորհրդարանում

ՀՅԴ Եվրոպայի Հայ Դատի հանձնախմբի նախաձեռնությամբ Եվրախորհրդարանում կազմակերպվել է ցուցահանդես՝ «Ցեղասպանություն՝ Ցեղասպանությունից հետո» խորագրով:

Yerkir.am-ի հետ զրույցում ՀՅԴ Եվրոպայի Հայ Դատի հանձնախմբի հասարակայնության հետ կապերի պատասխանատու Պետո Դեմիրճյանը հայտնեց, որ  ցուցահանդեսը կազմակերպվել է Հայկական Ճարտարապետության ուսումնասիրության կենտրոնի հետ համագործակցությամբ, որի տնօրենն է Սամվել Կարապետյանը:

Դեմիրճյանը նշեց, որ ցուցահանդեսի նպատակն է Եվրախորհրդարանում ներկայացնել հայկական կոթողների, հատկապես՝  եկեղեցիների վիճակը՝ Ցեղասպանությունից առաջ և հետո:

«Մի քանի ժամից ցուցահանդեսը վերջնական տեսք կունենա, սակայն պաշտոնական բացումը կլինի վաղը երեկոյան: Ցուցահանդեսին ներկա կլինեն պատգամավորներ, քաղաքական գործիչներ և անհատներ»,-նշեց Դեմիրճյանը:

Հունաստանից Եվրախորհրդարանի պատգամավոր Նիկոս Անդրոլաքիսի հովանավորած ցուցահանդեսը կտևի մեկ շաբաթ: