Գեղամասարում տարեց կնոջ են խեղդամահ արել

Օրեր առաջ դաժան սպանություն է տեղի ունեցել Գեղարքունիքի մարզի Գեղամասար գյուղում: Նախնական տեղեկություններով` երկու պատանի խեղդամահ են արել 73-ամյա կնոջ: Թե ի՞նչն է եղել նրան սպանելու պատճառը, հայտնի չէ:

Yerkir.am-ի հետ զրույցում Գեղամասարի գյուղապետ Գարեգին Բեկյանը հայտնեց, որ տարեց կինն ապրում էր հոգեկան առողջության հետ կապված խնդիրներ ունեցող դստեր հետ:

«Բոլորս ապշած ենք դեպքից, ասում են` աղջկա աչքի առաջ է եղել: Հիմա քույրն է Մոսկվայից եկել, հարազատներն են եկել»,- ասաց գյուղապետը ՝ նշելով, որ կնոջն այսօր կհուղարկավորեն:

Բեկյանի խոսքով՝ տարեց կնոջ սպանության մեջ կասկածվողները համագյուղացիներ են, նրանք վերցվել են ոստիկանների հսկողության տակ: