«Ալաշկերտ»-ը ոչ-ոքի է խաղացել չինական թիմի հետ

Այսօր՝ փետրվարի 25-ին, Երևանի «Ալաշկերտ»-ն անցկացրեց ուսումնամարզական հավաքի վերջին ստուգողական հանդիպումը. տեղեկացնում է ակումբի մամուլի ծառայությունը: Երևանյան թիմի մրցակիցը Չինաստանի 1-ին դիվիզիոնի (2-րդ մակարդակ) առաջատարներից մեկն էր՝ «Բեյջինգ ԲիՋի» թիմը: Գոլերը խփվել են երկրորդ խաղակեսում:

Նշենք, որ Աբրահամ Խաշմանյանը թիմի մարտական կազմը խաղադաշտ է մտցրել ընդմիջումից հետո: Ամեն դեպքում ալաշկերտցիները ողջ խաղի ընթացքում ունեցել են առավելություն և բազմաթիվ վտանգավոր պահեր են ստեղծել: Սակայն տևական ժամանակ հայկական թիմի ֆուտբոլիստներին չի հաջողվել դրանք գոլի վերածել, մինչդեռ` մրցակցի հազվադեպ գրոհներից մեկն ավարտվել է դարպասի գրավումով: «Ալաշկերտ»-ը հաշիվը հավասարեցրել է խաղավարտից երկու րոպե առաջ: Աչքի է ընկել Հեբեր Արաուխոն՝ 1:1:

Վաղն «Ալաշկերտ»-ը կվերադառնա Երևան: