Թուրքական արտադրանք գնես-չգնես՝ մեզ համար մեկ է. Էրդողանը՝ Ռուսաստանին

«Թուրքական հոսք» նախագիծը թուրքական կողմի պահանջներին չբավարարելու պատճառով Թուրքիայի կողմից է ժամանակավորապես դադարեցվել, ոչ թե` Ռուսաստանի. հայտարարել է Թուրքիայի նախագահ Ռեջեփ Թայիփ Էրդողանը:

Ըստ Demokratahber-ի՝  նրա խոսքով՝ Թուրքիան էներգետիկ հարուստ պաշարներ չունի, այդ պատճառով էլ կախված է ուրիշ երկրներից: «Նավթի 90,5 տոկոսն ու գազի 98 տոկոսը ստանում ենք Ռուսաստանից, իսկ անմշակ նավթը՝ Իրաքից, սակայն «այդ երկու երկրները Թուրքիայի միակ աղբյուրները չեն»,- ասել է Էրդողանը:

Անդրադառնալով նաև Ռուսաստանի կողմից Թուրքիայից ներկրվող արտադրանքի սահմանափակումներին՝ Թուրքիայի նախագահն ասել է. «Թուրքիան նման պատճառներով չի խարխլվի: Գնես-չգնես՝ մեզ համար մեկ է: Մենք միշտ հպարտ ենք կանգնելու և երբեք չենք խոնարհվելու»: