Կատալոնիայի խորհրդարանն անկախության հռչակագիր է ընդունել

Իսպանական Կատալոնիայի խորհրդարանը հավանության է արժանացրել  2017 թվականին անկախություն ստանալու նախագիծը:  Նախագծին կողմ է քվեարկել 72 պատգամավոր, դեմ` 63:  Փաստաթղթում պաշոնապես հայտարարվում է  «անկախ Կատալոնիայի Հանրապետության» ստեղծմանն ուղղված գործընթացի մեկնարկի մասին:  Ըստ նախագծի` Կատալոնիան Իսպանիայի կազմից դուրս պետք է գա 18 ամսում:

 Պաշտոնական Մադրիդն արդեն արձագանքել է կատալոնական խորհրդարանաի որոշմանը: Իսպանիայի վարչապետ Մարիանո Ռախոյը հայտարարել է, որ այդ հռչակագիրը որեւէ հետեւանք չի կարող ունենալ: Նա խոստացել է  որոշումը վիճարկել երկրի Սահմանադրական դատարանում:

 Նշենք, որ ՍԴ-ին կառավարության հայցը ներկայացնելուց հետո անկախանալու գործընթացը պետք է դադարեցվի` մինչեւ դատարանի որոշման հրապարակումը: