Այս պահին Երևանում sett-weather
Փոխարժեքներ 02 11 2025
USD ⚊ $ 382.65
EUR ⚊ € 442.76
RUB ⚊ ₽ 4.7305
GBP ⚊ £ 502.42
GEL ⚊ ₾ 141.15
կարևոր
0 դիտում, 8 տարի առաջ - 2017-02-06 15:00
Աշխարհ

Իսպանիայում դատում են Կատալոնիայի անկախության հանրաքվեն կազմակերպողին

Իսպանիայում դատում են Կատալոնիայի անկախության հանրաքվեն կազմակերպողին

Բարսելոնայում սկսվել է Կատալոնիայի նախկին վարչապետ Արթուր Մասի դատավարությունը, որի նախաձեռնությամբ 2014 թվականին անցկացվեց Իսպանիայի կազմից դուրս գալու մասին հանրաքվե. հայտնում է ТАСС-ը:

Մասին մեղադրում են իշխանության չարաշահման և իրավապահ մարմիններին չենթարկվելու մեջ: Նրա հետ ամբաստանվում են Կատալոնիայի նախկին փոխվարչապետ Ժոանա Օրտեգան և կրթության հարցերով նախկին խորհրդական Իրեն Ռիգաուն: Դատախազությունը պահանջում է Մասին զրկել 10 տարի շարունակ պաշտոն զբաղեցնելու իրավունքից, սակայն բանտարկություն չի պահանջում:

Դատական նիստում Մասը խոստովանել է, որ հանրաքվեն անցկացնելու քաղաքական նախաձեռնությունն իրենն է, միաժամանակ հրաժարվել է պատասխանել դատախազի և հասարակական մեղադրողի հարցերին:  

Ոստիկանության տվյալներով` դատարանի առջև, ի պաշտպանություն քաղաքական գործիչների, հավաքվել է մոտ 40 հազար մարդ: Նրանք վանկարկում են` անկախություն, և ծածանում Կատալոնիայի դրոշներ:

Իրենց աջակցությունն են Մասին հայտնել նաև Կատալոնիայի ներկայիս ղեկավար Կառլես Պոչդեմոնը և այլ քաղաքական գործիչներ, ովքեր մեղադրյալների հետ երթ էին կազմակերպել Բարսելոնայի փողոցներով:

2014-ի նոյեմբերի 9-ին անցկացված հանրաքվեի ժամանակ Կատալոնիա բնակչության 80,76 տոկոսը քվեարկել էր հօգուտ անկախության, սակայն Իսպանիայի Սահմանադրական դատարանը հանրաքվեն ճանաչել էր հակասահմանադրական:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը