Փոխարժեքներ
18 01 2025
|
||
---|---|---|
USD | ⚊ | $ 398.94 |
EUR | ⚊ | € 410.95 |
RUB | ⚊ | ₽ 3.8929 |
GBP | ⚊ | £ 486.63 |
GEL | ⚊ | ₾ 140.52 |
Կենտրոն և Նորք-Մարաշ համայնքների դատախազությունը նույն շրջանի դատարան է ուղարկել Ճարտարապետության և շինարարության Հայաստանի ազգային համալսարանում տեղի ունեցած միջադեպի վերաբերյալ գործը: Այս մասին տեղեկանում ենք դատական տեղեկատվական համակարգից:
Մեղադրական եզրակացության համաձայն՝ 20-ամյա երիտասարդն այս տարվա մայիսին Ճարտարապետության և շինարարության Հայաստանի ազգային համալսարանի մասնաշենքերից մեկի լսարանի դիմաց՝ միջանցքում, վիճաբանել է Կոտայքի մարզի գյուղերից մեկի բնակչի հետ, որի ընթացքում սուր կտրող-ծակող առարկայով հարվածել է վերջինիս որովայնի ձախ հատվածին և դիտավորությամբ նրա առողջությանը պատճառել կյանքին վտանգ սպառնացող ծանր վնաս՝ որովայնի առաջային պատի ծակված-կտրված՝ որովայնի խոռոչ թափանցումով, ճարպոնի վնասմամբ վերքի ձևով:
20-ամյա երիտասարդին մեղադրանք է առաջադրվել ՀՀ ՔՕ 112-րդ հոդվածի 1-ին մասի հատկանիշներով (դիտավորությամբ առողջությանը ծանր վնաս պատճառելը), նրա նկատմամբ խափանման միջոց է ընտրվել գրավը: