Թուրք ազգայնամոլները ծեծել են Էրդողանի կուսակցության անդամների

Թուրքիայի Մերսին քաղաքում «Ազգային շարժում» կուսակցության անդամները, դեռևս անհայտ պատճառներով, ծեծել են «Արդարություն և զարգացում» կուսակցության անդամների:

Ըստ Taraf-ի՝ ծեծկռտուքի տեսանյութն այսօր է հրապարակվել: Տեսանյութում երևում է, որ ԱԶԿ-ի նախընտրական հանրահավաքների մասին հայտարարություններով հանդես եկող Սեյիթ Դուրուն իր ընկերների հետ մտնում է բենզալցակայան: Այդ ընթացքում ազգայնամոլներից բաղկացած մոտ 30 հոգանոց խումբը հարձակվում է նրանց վրա ու ծեծի ենթարկում: Դուրուն վնասվածքներով տեղափոխվում է հիվանդանոց:

Ներկայացված բողոքի հայցի հիման վրա ոստիկանությունը ցանկացել է ստուգել ազգայնամոլ ղեկավարների մեքենաները Էրդեմլի շրջան մուտքի մոտ, սակայն հանդիպել է նրանց դիմադրությանը: Ոստիկանների և ազգայնամոլների մեջ ևս վիճաբանություն է եղել: