Գյուղացիների բերքի մթերման խնդիրը լուծման փուլում է. մարզպետ

Արմավիրի մարզի Արշալույս գյուղի բնակիչներն այսօր՝ հոկտեմբերի 14-ին, փակել էին Արմավիր-Երևան մայրուղին՝ պահանջելով լուծել իրենց մեծաքանակ բերքի մթերման խնդիրը: Բանն այն է, որ գյուղացիներն այս խնդրի պատճառով չեն կարողանում վճարել բանկերից վերցրած վարկերը:

Արմավիրի մարզպետ Աշոտ Ղահրամանյանը Yerkir.am-ի հետ զրույցում նշեց, որ գյուղացիների խնդիրն արդեն լուծման փուլում է: «Գյուղացիները մի փոքր նեղացրել էին ճանապարհը, սակայն, հիմա արդեն բացվել է այն, նորմալ է ամեն ինչ: Նրանց հետաքրքրող բոլոր հարցերի շուրջ քննարկում եղել է: Արշալույսի գյուղապետը հինգ ներկայացուցիչների հետ հրավիրվել է մարզպետարան: Ագրոբանկի տնօրենը հրավիրել է գյուղացիներին: Նրանց կողմից բարձրացված հարցերին պատասխաններ տրվել են: Բանկն անհատական կաշխատի գյուղացիների հետ` կապված իրենց վարկերի հետ»,- ասաց մարզպետը: