Թուրք ոստիկանների նոր վայրագությունը` կտրել են քուրդ երիտասարդի գլուխը

Ներկայիս Թուրքիայի տարածքում գտնվող հայկական Տիգրանակերտ քաղաքի Բիսմիլ շրջանում պարետային ժամի ընթացքում թուրք ոստիկանները սպանել են 4 քաղաքացիական անձի. տեղեկացնում է Nerinaazad-ը:

Կայքը նշում է, որ հիվանդանոց տեղափոխված չորս դիակներից մեկի գլուխը կտրած է եղել:

Քրդամետ Ժողովուրդների դեմոկրատական կուսակցության համանախագահ Ֆիգեն Յուքսեքդաղն անդրադարձել է թուրք ոստիկանների բարբարոսությանը: Նրա խոսքով՝ թուրք ոստիկանները սկսել են կիրառել «Իսլանական պետության» ահաբեկիչների գազանությունները:

Ավելի վաղ հայտնի էր դարձել, որ թուրք ոստիկանները քրդաբնակ Շրնաքում եւ Սիլվանում սպանել էին 24 եւ 17 տարեկան երիտասարդների, նրանց դիակները կապել զրահամեքենայից եւ քարշ տվել փողոցներով։