Բրյուսելի քաղաքապետարանը հրաժարվել է սրահ տրամադրել Էրդողանին

Բելգիայի մայրաքաղաք Բրյուսելի քաղաքապետարանը հրաժարվել է սրահ տրամադրել Թուրքիայի նախագահ Ռեջեփ Թայիփ Էրդողանին, ով  պետք է հանդիպեր տեղի թուրքական համայնքի ներկայացուցիչների հետ, ովքեր կարող են մասնակցել նոյեմբերի 1-ին Թուրքիայում կայանալիք արտահերթ խորհրդարանական ընտրություններին: Այդ մասին տեղեկացնում է թուրքական BBC-ն՝ վկայակոչելով բելգիական L\'Echo թերթը:

Բրյուսելի քաղաքապետն այս մասին ասել է. «Սրահը նախատեսված չէ քաղաքական հանդիպումների անցկացման համար»:

L\'Echo թերթը հայտնել է, որ իրեն սրահ չտրամադրելու համար Էրդողանն իր հանդիպումը թուրքական համայնքի ներկայացուցիչների հետ ծրագրվել է անցկացնել Ստրասբուրգ քաղաքում:

Ի դեպ, ըստ հոլանդական Volkskrant թերթի՝ Բելգիայի կառավարությունն այնքան էլ լավատեսորեն տրամադրված չէ Էրդողանի այցի նկատմամբ: